A CGT de Catalunya, CNT Catalunya, COS i Solidaritat Obrera presentan o aviso de Folga Xeral para o próximo día 27 de xaneiro

Esta folga, diferenza claramente entre as organizacións sindicais que aínda teñen dignidade obreira (tanto os que convocan como os que se adhiren e/ou a apoian) e as que non.

Esta mañá ás 10:30, a CGT de Catalunya, CNT Catalunya, COS i Solidaritat Obrera, e cumprindo cos acordos tomados en plenaria do Comité Confederal de Catalunya, fixo efectivo o aviso de folga para o próximo día 27 de Xaneiro. Esta Folga está circunscrita á totalidade do territorio Catalán. A Folga Xeral xa é unha realidade.

As tres forzas sindicais coinciden en que a a peor decisión que podían tomar é non convocar ningunha folga, ante o recorte brutal que o goberno quere cometer presionado pola mafia empresarial. Queren deste xeito deixar atrás as mobilizacións a deshora, e as anticipan á entrada no congreso do texto sobre a reforma das pensións.

Esta folga, diferenza claramente entre as organizacións sindicais que aínda teñen dignidade obreira (tanto os que convocan como os que se adhiren e/ou a apoian) e os que aínda restan sentados á mesa de negociación, conscientes da traizón que están cometendo contra, a que din é, a súa propia clase.

Bruno Valtueña, Secretario Xeral de CGT Catalunya, afirmou que a situación pide unha folga xeral e se os sindicatos maioritarios non toman esta decisión teñen que ser os sindicatos alternativos quen presionen cunha iniciativa valente como esta.

A Folga Xeral quere dar un espazo onde tamén, as bases de CCOO e UGT poidan expresar o seu descontento cunha cúpula burocrática, que non os consulta nada do que se está negociando.

A CGT de Catalunya, CNT Catalunya, COS i Solidaritat Obrera, convocará unha manifestación polo centro de Barcelona, a mesma tarde do día 27 de Xaneiro, que presumiblemente estará apoiada por outras formacións sindicais e movementos sociais.

Secretaría de Comunicación de CGT Cataluña

Centrais Obreiras convocantes:

CGT-Catalunya
http://cgtcatalunya.cat/

CNT-AIT Catalunya i Balears
http://crcatalunya-balears.cnt.es/

Coordinadora Obrera Sindical-COS
http://www.sindicatcos.cat/

Solidaritat Obrera
http://www.solidaridadobrera.org
_______________________